Naga panghimos sang Christmas tree ang mga biktima sang magkala kuryente kahapon sang Lunes sa Mabinay, Negros Oriental.
Suno kay Negros Oriental Police Provincial Office Spokesperson Lt. Stephen Polinar, ang nagkalamtay ginkilala nga sanday Elnie Endencio, kagawad sang Barangay Arebasore kag Jonel Tenebroso, man lift operator kag empleyado sang DRRMO.
Pilason naman si Barangay Arebasore Kagawad Jay-Ar Norbe, SK Chairwoman sang Brgy Banban nga si Realyn Billares kag Kimjun Padasay, barangay secretary sang Brgy Arebasore.
Dugang pa sang pulis, base sa inisyal nga imbestigasyon, ginsugo ang mga biktima nga himuson na ang Christmas tree matapos ang kompetisyon.
Nagsakay sila sa boom truck kag aksidente nga naigo ang main line sang kuryente kag naga-ulan rason nga nagkalakuryente sila kag amo ang gintunaan sang kamatayon sang duha kag pagkapilas sang tatlo.
Ang tatlo ka biktima nga gindala sa hospital ang yara na karon sa estable nga kondisyon.