Padayon sa gihapon ang pag pangita sang kapulisan kag sang pamilya, sa duha ka mga soltero nga na missing sa banwa sang La Castellana humalin pa sang nag ligad nga semana.
Ang mga na missing amo sanday Rinel Delos Santos, 22 anyos, kag Denald Mialen, 18 anyos.
Suno sa himata ni Denald, Miyerkules sang aga sang nag ligad semana sang may nag padul-ong nga babaye sa abyan ni Denald nga si Rinel sa Barangay Aranda sa Hinigaran.
May isa pa liwat ka babaye nga nag padul-ong sa amo nga barangay sang hapon kag iya na gin upod si Denald.
Didto kag wala na makapauli ang duha. Suno sa PNP, ila padayon nga gina imbestigaran ang pag kadula sang duha ka pamatan-on.
Lunsay mga wala man sang kaso kag mabuot ang duha ka pamatan-on suno sa pulis gani ila ginahibalo kun ano ang natabo sa ila nga duha.
Ang grupo nga Paghimutad – Negros ang nag report man sa gina alegar pag-abduct sang duha ka mga pamatan-on apang suno sa army, wala ini may kaangtanan sa ila nga operasyon kag wala man sila sang ihibalo angut sa natabo sa duha ka pamatan-on.