Duha ka mga gina alegar katapos sang New People’s Army ang patay sa enkwentro sini nga sa Barangay Camansi sa Kabankalan City. Sila ang kabahin sa ginabulubanta napulo ka mga armado nga naka enkwentro sang tropa sang Ang tropa sang 94th Infantry Battalion kag 47th Infantry Battalion amo naka enkwentro sang ginabulibanta napulo ka mga katapo sang rebelde nga grupo.
Suno sa army, ang tropa ang nag patigayon sang joint combat operation bangud sang mga report sang mga residente nga pag pangilkil sang mga katapos sang NPA. Na recover man sa gikan sa duha ka napatay ang isa ka duha ka mga granada, isa ka KG9 nga armas kag duha ka cal 45 pistol lakaip na ang iban pa mga mga dokumento kag flag sang CPP.
Apang ang National Democratic Front – Negros ang nagpa gwa man sang statement kag ila gina siling nga peke ang natabo nga enkwentro. Suno kay Ka Bayani Obrero, spokesperson sang NDF Negros, gin capture sang army ang NDF consultant nga si Ericson acosta kag iya sini upod las dos kaagahon kaina kag ila ini ginpatay makaligad sang pila ka oras.
Suno kay Obrero, si Acosta ang yari lang sa Negros para mag consult sa mga mangunguma kag mag paambit sang development sang Comprehensive Agreement on Social and Economic Reforms. Mabaskog nga gina kundenar sang NDF ang pag patay kay Acosta nga isa man ka poet, song writer, kag journalist sno sa ila.
Si Briagdier General Inocencio Pasaporte, commander sang 303rd Infantry Brigade ang naga pannindugan naman nga may enkwentro nga natabo kag iya ginsiling nga masami na nga balibad sang rebelde nga grupo nga wala sang enkwentro kun may casualty sa ila nga hanay.