Dakop sanday Analyn Castro, 58 anyos, ginakabig isa ka Street Level Individual kag Jeypey Mar Oquendo, 30 anyos sa gin patigayon nga drug buy-bust operation sa Purok. 7, Brgy. Bantayan, syudad sang Kabankalan sang Lunes.
Suno sa Kabankalan City Police Station, nadakpan sa akto nga nagabaligya sang ilegal nga droga ang suspetsado pinaagi sa isa ka police poseur buyer. Narekober sa ila ang 14 ka mga heat-sealed transparent plastic sachet nga may unod sang ginapatihan shabu.
Ginabulubanta naga bug-at sang pito ka gramo ang narekober nga illegal nga droga nga may standard drug price nga 47,600 pesos.
Yara na karon sa kustodiya sang kapulisan ang mga suspetsado kag ginpaskaan sang kaso nga pagsupak sang RA 9165.