Duha ka bangkay sang ginapatihan katapo sang New People’s Army ang na recover sang tropa sang 94th Infantry Battalion matapos ang nag luntad nga serye sang enkwentro sa Barangay Carabalan siyudad sang Himamaylan Biyernes kag Sabado.
Ang mga napatay ang ginkilala nga sanday Arnulfo kag Jayson Sabanal.
Sa report sang army, ang tropa ang naka baton sang report angut sa pag pangilikil sang mga mga rebelde sa amo nga barangay kag sang mag padulong ang grupo didto na natabo ang enkwentro sa bahin sang Sitio Maliko Liko.
Magluwas sang duha ka napatay nga NPA, natultul man sang army ang temporary hideout sang mga rebelde kag didto na recover ang mga rifle grenades, anti personel mines pati na detonator, blasting caps, mga nagkalain lain nga bala kag magazine kag may yara man sang duha ka sachet sang gina patihan shabu.
Ginpaidalom man sa autopsy ang bangkay sang mga napatay nga rebelde.