Duha ka miyembro sang New People’s Army ang kumpirmado nga patay sa sunod sunod nga enkwentro nga nag luntad sa Guihulngan City.
Sang Sabado nag luntad ang una nga enkwentro sa Barangay Planas kun sa diin ginabulubanta 20 ka NPA members ang naka enkwentro sang tropa sang 62nd Infantry Battalion.
Pagkaligad sang pila ka oras liwat nga nag ka enkwentro sa Barangay Buenavista. Didto na recover ang bangkay sang una nga napatay nga NPA nga amo si Michael Asuncion.
Sang Lunes naman na diskubrehan pa ang bangkay sang isa man ka NPA nga napatay nga amo si Marlon Albino.
May enkwentro man liwat nga nag luntad sang Lunes sang gab-i kag sang kahapon sang hapon apang wala man sang may na report nga napatay sa duha ka mga enkwentro.
Ginpahayag naman ni Guihulngan Mayor Filomeno Reyes nga wala sang dapat ikahadlok ang publiko bangud sa under control na ini sang otoridad kag sila ang handa man nga magbulig sa mga apektado nga mga pumuluyo.