Patay ang 2 ka mga gina alegar katapo sang New People’s Army sa nagluntad nga enkwentro sang Sabado sa Sitio Payranan, Bgry Pinggot sa banwa sang Ilog.
Sa impormasyon sang army, ang tropa sang 15th Infantry Batalion ang naga patigayon sang pursuit kag clearing operation may angut sa nag luntad nga enkwentro sang Abril 17 kun sa diin duha man ka mga rebelde ang napatay, sang sila ang gin tagaan sang impormasyon angut sa pilason nga mga rebelde.
Sang ila gin respondehan ila naka enkwentro sang tropa ang mga rebeldeng NPA.
Nag lab-ot sa 40 minuto ang pag bayluhanay sang lupok nga nag resulta sa kamatayon sang 2 ka mga rebelde.
Isa ka calibre 45 pistol, 12 gauge shotgun, anti personnel mine, mga bala kag iban pa nga kagamitan ang na recover sang army sa mga rebelde.