Patay ang 11 kag 16 anyos nga menor de edad nga mga lalaki matapos matumba ang ila gina sakyan nga motorsiklo sang Sabado sa highway sang Barangay Mabini sa Cadiz City.
Pilason naman ang 13 anyos nga naga dala sang motorsiklo.
Suno kay Lt. Gina Fernandez, deputy chief sang Cadiz City police station, gikan sa choir practice ang tatlo ka menor de edad nga nagasakay sa motorsiklo.
Ma overtake kun tani ang drayber sang motor sa truck nga iya gina sundan suno kay Fernandez apang na na alang-alang ang driver kag nadulaan sang kontrol gani natumba sila sa dalan.
Dead on the spot ang 11 anyos nga nalampos ang ulo sa dalan. Gindala naman sa ospital ang duha apang ginbawian man sang kabuhi ang 16 anyos.