Ang forecasted heat index humalin 33 degrees celsius tubtob 41 degrees celsius ang na classify base sa epekto sini sa idalom sang extreme caution.
Nagakasayuran nga mahimo ukon posible magbatyag sang heat cramps kag heat exhaustion.
Ang padayon nga activity sa kainitan ang sarang nga maka tuga sang heat stroke.
Sa opening sang Negros Island Region Athletics Association Meet Domingo sang hapon may 50 tubtob 60 ka mga athletes kag performers ang nag lain ang pamatyag bangud sang kainiton.
Suno kay Almyr Caezar Dequiña ang spokesperson, ini sila ang gilayon nga nahatagan sang pagtatap kag karon naka entra na sa hinampang.
Plastado ang mga medical stations. May pag bag-o sa schedule sang mga hampang para mapangapinan ang ikaayong lawas sang mga kabataan.
Samtang, gina abisuhan ang publiko nga likawan ang mag bulad sa initan kag siguarduhon nga mag hydrate ukon mag inom sang tubig para malikawan ang epekto sang tuman ka init nga panahon.
May duha naman ka LGU nga nag-suspend sang klase sini nga Lunes – ang EB Magalon kag Himamaylan City.
“First and foremost ang aton nga conduct sang NIRAAM ang safety sang aton nga mga athletes is always and will always be utmost priority. Even nga may ara kita sang forecasted heat index nga 40 degrees celsius may ara kita gid pa gwa nga advisory man sa aton nga DepEd NIR nga page parte sa pag conduct sang hinampang, even sa heat index subong nga adlaw. Ang aton tournament directors are given discretion and are also advised to make the necessary adjustments like for example they can start the games early ang end by 10 am and then after sina, maga resume by 2pm. But this resumption sang sini games would have to depend sa advise sang aton nga medical team”, suno kay Dequiña.*
[sibwp_form id=1]