Matapos mabiktima sang serye sang bomb threats ang 21 ka mga eskwelahan sa isla sang Panay nga nag resulta sa class suspension may duha naman ka eskwelahan sa southern Negros nga biktima man sang bomb threat.
Sa report sang Police Regional Office Negros Island Region biktima sang bomb threats ang Western Visayas State University Himamaylan Campus.
Miyerkules sang udto sang makabaton sang mensahe ang eskwelahan nga naga siling nga may bomba sa eskwelahan kag ang ginatumod nga rason amo ang unfair nga pag trato sang faculty sa mga estudyante.
Base sa PNP report, tigayon nga nakilala ang tag-iya sang account nga nagpadala sang pamahog kag iya ginsiing nga na hack ang iya account.
Kagab-i sang makabaton sang bomb threat and Central Philippine State University sa Kabankalan City.
Sang gin respondehan sang EOD-K9 teams nag negatibo ang ila paneling ukon pagpangita sang bomba.
Sa statement nga gin release sang CPSU ila ginsiling nga nabaton nila ang pamahog 8:56 sang kagab-i kag na clear sang EOD ang eskwelahan 2:32 sang kaagahon.
Ang Management Information System Office sang eskwelahan ang naga patigayon man sang mas madalom nga imbestigasyon.
Nagpasalig ang unibersidad sa stakeholders nila nga ginahimo nila ng tanan para mangin safe ang ila komunidad.
Ang Himamaylan kag Kabankalan PNP ang sa karon naga coordinate na sa Anti Cyber Crime Group angut sa natabo.*