Pormal nga ginpasakaan sang kaso administratibo ang duha ka empleyado sang Office of the Provincial Agriculturist angut sapagkadula sang abono sa Rice Processing Center sa siudad sang Bago.
Suno kay Provincial Legal Officer Alberto Nellas, Jr., nabaton na niHerminigildo Basilio sadtong Hunyo 2 ang kopya sang formal charge samtang, iga serbe pa kay Joy Cardinal ang kopya sinibangud siya ang on leave pa.
Ang duha nga pareho Agriculturist 1 ang gin-charge sang kaso nga grave misconduct, serious dishonestykag malversation of public funds angut sa pagkadula sang 789 ka bag sang abono nga naga balor sang 2,367,000 pesos.
Sila ang ginpapanaugan man sang 60 day preventive suspension.
Suno kay Nellas may tatlo sila ka adlaw humalin sang pagkabatonsang formal charge nga magsabat.
Pwede sila nga mag-submit sang position paper ukon magpaidalom sa isa ka formal investigation.
Sa formal charge nga ginlagdaan ni Governor Eugenio Jose Lacson nakasaad nga ang duha ang in-charge sa RPC warehouse sa Bago City.
Sadtong October 18, maga withdraw kuntani ang Cauayan sang abono nga na-allot sa ila pero wala natigayon bangud wala nasang nabilin nga fertilizer.
Gintinguhaan sang Digicast Negros ngamakuhaan sang iya nga bahin si Basilio pero wala ini makasabat.