May duha ka bagyo kag isa ka LPA gina monitor sa karon sang PAGASA. Hangin habagat ginalantaw nga pabaskugon pa gid sang duha ka mga bagyo.
Ang bagyo nga Dante sa sulod sang Philippine Area of Responsibility isa na ka Tropical Storm.
As of 2pm ang bagyo ang yara na sa 845 km sang East sang Northern Extreme sang Northern Luzon kag may kabaskugon nga 65 km/h.
Si Dante ang wala sang direkta nga epekto sa Pilipinas gani sang nangin isa ini ka bagyo wala pa sang mga lugar nga napaidalom sa tropical cyclone wind signal.
Pero ang gina hamtangan sini ang paborable para sa Habagat nga nagakuha sang ulan gikan sa bagyo nga amo ang nagabubo sa karon sa areas sang Luzon kag porsyon sang Visayas.
Ang isa pa gid ka LPA sa sulod sang PAR nangin isa pa gid ka bagyo kag ini naman ang gintawag nga “EMONG”.
As of 2pm yara na ini sa 120km West Northwest sang Laoag City sa Ilocos Norte. Ginpaidalom sa wind signal number 1 ang portion sang Ilocos Norte, Ilocos Sur, La Union kag Pangasinan.
Pabaskugon man ni Emong ang Habagat nga amo ang magadala sang ulan.
Kag, may isa pa ka LPA sa gwa sang PAR nga gina monitor ang PAGASA. may mataas nga tsansa nga mangin isa pa gid ka bagyo sa sulod sang 24 oras.
Ang Negros Occidental ang wala na nadala sa mga probinsya nga may rainfall warning kag wala naman madala sa listahan sang mga probinsya nga suspendido ang klase kag trabaho sa gobyerno base sa announcement sang DILG.