Maka duha ka beses nga nag buga sang abo ang bulkan Kanlaon karon nga adlaw.
Sa record sang Philippine Institute of Volcanolgy and Seismology, una nga nag buga sang abo ang bulkan las 6:18 kaina sang aga.
Naglawig ini sang masobra sa isa ka oras.
Nag-untat ang ash emission 7:27 am kag ang low plume padulong sa north-northeast.
Suno kay Ptolomey Mañego ang Science Research Assistant sa Kanlaon Obervatory sa La Carlota, naglawig naman sang duha ka minutos ang ika duha ka ash emission nga nag sugod 7:54 sang aga.
As of press time wala pa sang may na report nga ash fall.
Suno kay Mañego isa ka weak ash emission ang natabo.
Kay pila pa man lang ka adlaw ang na record nga mga activities sang bulkan indi pa man sila maka pat-od sang mangin sitwasyon. Padayon ang monitoring.
“Nag rest ang Kanlaon, ang indication lang sina magiging more active ang aton nga bulkan”, suno kay Mañego.
[sibwp_form id=1]