2.3M nga balor sang shabu nakuha sa buy-bust operation sa Mansilingan sa Bacolod.
Arestado ang apat ka mga maghimata sa ginpatigayon nga drug buy-bust operation sang City Drug Enforcement Unit sa Purok Himaya, Brgy. Mansilingan siudad sang Bacolod kaina sang kaagahon.
Ang mga nadakpan ginkilala nga sanday Jesus Perez, John Mark Aguilar, Junjie Alila, kag Jezelle Ann Braba, lunsay mga High Value Individual.
Suno sa kay Police Lieutenant Colonel Antonio Benitez, Jr., ang Head sang CDEU, nakuha sa apat ka mga persona ang 338 grams sang suspected shabu nga nagabalor sang 2,298,400 pesos.
Dugang pa ni Benitez, madamo na sila sang reklamo nga nabaton angut sa pagbaligya sang iligal nga droga sang mga suspek.
Nagaguwa man ang ngalan sang mga suspek sa watchlist sang CDEU kag may ara sang mga persona nga nagadala sang supply sa ila.
Pasakaan sila sang kaso nga pagbaligya kag paghupot sang iligal nga droga.