19 ka mga banwa kag siudad lakip na diri ang Negros Occidental Provincial Government pasidunggan sa SGLG awarding ceremony sa Dec. 9.
Ang Bacolod City kabahin lang sa 19 ka mga local government units sa probinsya nga magabaton sang Seal of Good Local Governance award gikan sa Department of the Interior and Local Government sa The Manila Hotel sa December 9.
Kabahin sa magabaton sang award ang Negros Occidental Provincial Government, siudad sang Bacolod, Bago, Cadiz, Escalante, Himamaylan, La Carlota, Sagay, San Carlos, Silay, Sipalay, Talisay kag Victorias.
Pasidunggan man ang EB Magalona, Hinigaran, Ilog, Isabela, La Castellana kag Manapla.
Ginsiling ni DILG-Bacolod Head Christian Nagaynay nga indi lang mangin balasehan sang pag-release sang Performance Based Bonus ang SGLG award bangud magabaton man sang incentive ang mga LGU.
Ang floorstanding kiosk nga digitial interactive display sa lobby sang Bacolod City Goverrnment Center kabahin lang sang financial incentives nga napalab-ot sang DILG sa siudad.
Plano ni Mayor Albee Benitez nga ini ang madugangan kabahin sang ginapatuman nga digitalization program.