Digicast Negros

19 anyos nga nag gamit sang peke nga RT-PCR test yara na sa Cadiz City naka quarantine

Gina tun-an pa sa karon ni Mayor Salvador “Bading” Escalante kun bala pasakaan nila sang kaso ang desi nuebe anyos nga nag sulod sa Negros Occidental gamit ang peke ang RT-PCR test result kag S-Pass.

Ang estudyante nga taga Cadiz ang naka kuha sang barangay certification nga residente siya sang Barangay Alicante sa EB Magalona para lang maka pauli sa probinsya.

Ang iya application nga maka balik sa Cadiz City ang wala ginbaton bangud natukiban nga peke ang iya RT-PCR test result kag S-Pass.

Ang desi nuebe anyos ang gin abisuhan nga magpa test liwat pero tigayon siya nga naka kuha sang barangay certificate sa EB Magalona para maka sulod sa Cadiz.

Sang mahibaluan nga nag abot na siya sa Cadiz, ginkuha siya sang IATF kag gin quarantine.

Nag negatibo na ang resulta sang iya RT-PCR test pero ginpatapos sa iya ang 14 dias nga quarantine period kag pagkatapos sang pito ka adlaw liwat siya nga i swab test.

Nagpasalig siya nga ma kooperar siya sa pagkilala sa naghatag sa iya sang peke nga RT-PCR test result.

Exit mobile version
Skip to toolbar