Sa Kanlaon Volcano advisory nga ginpagwa sang Philippine Institute of Volcanology and Seismology, sa sulod sang beinty kwatro oras naka record ang Kanlaon Volcano network sang desi otso tanan ka mga volcanic earthquakes.
Naga lakip ini sang apat ka mga manabaw nga signal may kaangtanan sa magmatic gas movement.
May gamay nga emission sang gas ang bulkan nga yara sa 200 meters.
Naga pabilin sa idalom sang alert level 1 ang Kanlaon nga naga kahulugan nga indi normal ang iya sini nga kondisyon.
Gina panugyan sa mga LGU nga naga palibot sa bulkan nga hugot nga ipatuman ang 4 kilometer radius sa permanent danger zone bangud sang posibilidad nga hinali nga steam-driven ukon phreatic eruption.
Ang Civil Aviaton Authority ang gin hambalan man nga paandaman ang mga piloto nga likawan ang magpalapit sa bulkan.