171 ka pamilya nga naga puyo sa kilid ukon malapit sa Ibid Creek sa BiaknaBato sa La Castellana ang gin-evacute bilang pag pangaman sa posible lahar kasunod sang pag lupok sang bulkan Kanlaon.
Suno kay BiaknaBato Kagawad Allan Tomaquin, as of 2pm sang Hulyo 9, nagdangat sa 463 ka individuals ang mga gin-evacuate kag ini sila ang gikan sa tatlo ka sitio sang BiaknaBato – Tamburong, Luho kag Calapnagan.
Wala pa nalakip sa naisip ang mga nag tenir sagwa sang evacuation center.
May pag ulan-ulan sa La Castellana dala man sang habagat. Nagapangaman ang barangay batuk sa posible pag-awas sang Ibid Creek kag indi man ma madula ang posibilidad sang lahar karon nga nag buga ang bulkan Kanlaon gani ginpakamaayo ang pre-emptive evacuation.
Yara sila naga tenir karon sa BiaknaBato covered court, SK Hall kag Biaknabato Elementary School.
Ang sapa ang nag amat-amat naman tapan subong suno kay Tomaquin.
Sadto anay 238 ka pamilya ang naga tenir sa natungdan nga area pero may na-relocate na nga 50 ka pamilya damlag pa suno sa kagawad.
“Nag-evac kami kag sige pa binagyo kag sige pa baha-baha, basi bala mag dulhog ang lahar kag ang mga sapa nag slightly tapan man subong”, suno kay Tomaquin.
[sibwp_form id=1]