Padayon pa ang pag kolekta sang datus sang City Agriculture Office sang Kabankalan angut sa mga talamnan nga apektado sang El Nino Phenomenon.
Suno kay Ricky Muscosa ang pamuno sang City Agriculture Office sang Kabankalan, sa karon base sa datus indi pa man pwede maka deklarar sang state of calamity sa siudad.
17 sa 32 ka mga barangay sa sa Kabankalan ang apektado sang El Nino Phenomenon.
“May gina basehan ta na sa DRRM ta sa state of calamity. Ang data ang aton nga sundon”, suno kay Muscosa.
Ang kahalitan sa pananom nga na report nagdangat sa 41.7 million pesos nga naga sakop sang 975 hectares kag 1,200 ka mga mangunguma. Mga rainfed ang kalabanan sa apektado.
Diutay lamang sa mga talamnan ang may irigasyon kag ini ang nagalakip sang yara sa Magballo kag Camingawan.
Suno kay Muscosa, isa sa bulig nga na hatag nila amo ang vegetable seeds sa mga mangunguma para may ma ani man sila kag makaon.
Sa mga caravan sang siudad, padayon man ang pag panagtaga sang bitamina kag mga bulong para sa mga kasapatan.