ka mga commercial establishment sa Bacolod ang ginpasirad-an bangud wala sang business permit. Sa 24 ka mga commercial establishment nga gin-issuehan sang notice of closure sang Business Permit and Licensing Office, 17 tanan ang natalupangdan nga wala gihapon sang record kag wala naka-secure sang permits agud maka-operate.
Gani humalin sang Lunes isa-isa sila nga ginsirad-an sang katapo sang City Legal Office Integrated Task Force.
Kalabanan sa mga napasirad-an bangud sang permit ang mga kalan-an, litsonan, bakery kag laundry shop sa Barangay Estefania, Mansilingan kag Alijis.
Ginsiling ni City Legal Officer Atty. Romeo Carlos Ting, Jr., kabahin lamang ang 17 ka mga commercial establishment sa malapit 2,000 ka mga negosyo nga ginpausisa sang Integrated Task Force matapos ang tax mapping operation sang Enero.
Sa record sang City Legal Office may masobra na sa 300 ka mga commercial establishment ang napang-issuehan sang notice of violation kag closure. May isa ka gatus na ang napasirad-an.