Isa ka 17 anyos nga taga Barangay Pahanocoy sa Bacolod ang natumod nga nagpeke sang Facebook account ni Bacolod Vice-Mayor El Cid Familiaran.
Gani magahinyo man sang bulig ang bise alkalde kay Punong Barangay Yolanda Noble agud ma locate ang nag clone sang iya account agud magpangayo-kayo sang kwarta.
Suno kay Familiaran, duha sa iya mga kakilala nga yara sa Manila ang nakuhaan sang P1,500 kag P3,000 sang menor de edad.
Natabuan nga na ospital ang bise alkalde sang nagligad nga semana rason nga gingamit ini sang impostor agud makapamentaha.
Nag gwa nga naga online sabong ang menor de edad kag ang kwarta nga iya nakuha sa pagpanginto amo ang iya ginapadala sa Laguna.
Tuyo sang bise-alkalde nga magpasaka sang reklamo angut sa identity theft batuk sa menor de edad.