164 tanan ka mga most wanted persons ang naaresto sa 24 hour simultaneous operation sang Negros Occidental Police Provincial Office sang Martes.
Walo sa mga naaresto ang kabahin pa sa top 10 most wanted sang pila ka mga LGU sa probinsya.
Ang Victorias PNP amo ang may pinakadamo nga naaresto. 24 ang naaresto sa Victorias City samtang nagasunod naman ang Bago PNP nga may 16 ka nadakop kag ang Escalante PNP nga may 11.
Ang Negros Occidental amo man ang may pinaka madamo nga nadakop sa idalom sang Police Regional Office 6.
Ang isa ka adlaw nga focused operation sa pag implement sang warrant of arrest ang gin patigayon sa bug-os nga pungsod bilang kabahin sang programa sang bag-o nga chief PNP.