Ginsiling ni Atty. Mark Mayo, City Administrator, nga may ara na sang masobra sa 160 ka mga concerns ang napadangat sa Help Desk sang siudad. Kapin sa 10 percent lamang diri ang nag-request sang repatriation.
Suno sa iya, kadam-an sang mga concerns amo ang nagapangayo sang bulig pinansyal bangud may kabudlayan ang ila himata sa luwas nga magpadala sang kwarta.
Gilayon naman nga ginpadangat sang lokal nga panguluhan ang 16 ka mga OFW nga nag request sang repatriation sa Department of Migrant Workers.
Isa sa mga nag request sang repatriation amo ang isa ka babaye sa Bahrain nga may ara sang cancer kag nakontak na ini sang DMW.
Nagpasalig man ang siudad nga magahatag ini sang bulig pinansyal sa mga OFW nga magapauli sa pungsod bangud sa kinagamo sa Middle East.
Wala naman sang may na-monitor ang siudad nga may taga Bacolod nga OFW nga nagatrabaho sa Iran.*
[sibwp_form id=1]