15 ka mga ginatukod nga mga commercial establishments sa Bacolod nalakip diri mga condominium kag pension houses ang gin issuehan sang notice of violation kag stoppage order sang OBO.
Magluwas sa ginapatihan bulangan nga ginatukod sa Barangay Tangub, may kinse pa ka mga commercial establishment ang na issuehan na sang notice of violation kag stoppage order sang Office of the Building Official sa Bacolod City.
Suno kay OBO head Engr. Isidro Sun, pila diri mga condominium building, pension houses kag commercial establishment nga mahimu mangin white elephant tungod sang nakit-an nga mga violation sa Building Code.
Nalakip diri ang kakulang sang parking area kag setback sa pagtukod sang establishiemento.
Gintugyan na sang OBO sa City Legal Office ang pagpasaka sang kaso batuk sa tag iya sang mga ginatukod nga structures.