Kun i-base sa autopsy report, ang 15-anyos nga si Pearl Joy Galve ang ginkastigo antes napatay.
Suno sa kay Police Lieutenant Colonel Lymel Pasquin ang Chief of Police sang La Carlota City PNP, may mga lagub ang biktima sa ulo, dughan, li-og, tiyan kag hawak.
Dugang pa sang pulis, indi pa matumod kun ang biktima ginhimuslan sang mga suspek bangud ara na sa advanced state of decomposition ang bangkay apang ila pa ginahinulat ang findings sang doctor kun may pagpanghimulos gid nga natabo.
Ginpahayag man sang hepe nga padayon pa ang pagtumod sa mga suspek kag kun pila ang mga suspek nga naghimo sa krimen.
August 14 sang masapwan ang bangkay sang biktima sa kampo sa Barangay Cubay sa La Carlota City.
July 29 pa siya nga gin-report nga missing sang iya nga iloy, sa adlaw sang pagbukas sang klase.