Digicast Negros

145 ka petisyon gin-withdraw kontra sa mga voter applicants sa Bacolod

145 tanan ka petition nga gin-file batuk sa mga registrants sa Bacolod ang gin withdraw sang mga petitioner.

Ini suno kay Bacolod Comelec officer Atty Kathrina Trinio–Cana nga nagsiling nga sa sini nga semana na sila maga pa gwa sang resolution sa ila nga ginpatigayon nga ERB hearing.

Ang Comelec ang pamuno sang ERB nga ginatapuan sang local registrar kag DepEd.

222 sa kabilugan ang opposition nga ila nabaton. 145 diri ang gin-withdraw kag 77 naman ang ila nga papanaugan sang desisyon paagi sa resolution.

Nalakip na diri ang opposition batuk kay anay congressman Albee Benitez kun sa diin tatlo ang nag kwestion sang iya nga residency.

Kun may i-kwestion pa ang sa 77 bahin sa resolution nga ipapanaog sang ERB sarang na nila ini ipatuhoy sa korte suno kay Trinio-Cana.

9,977 naman ang na-appove nga mga registrants suno sa Comelec. Ini ang mga registrants nga wala sang may nag-oppose.

Exit mobile version
Skip to toolbar