14 ka katapo sang Disaster Risk Reduction and Management Office sang Sipalay ang nagpositibo sa Covid-19, samtang naka lockdown naman ang CDRRMO Bago.
Suno kay Dionilo Bogtae, executive assistant kag pamuno sang Sipalay Emergency Assistance and Rescue Services ukon SEARS.
13 sa 22 nga gin-swab sang Sabado suno kay Bogtae ang nagpositibo sa virus sandig sa ila nga test result nga nag gwa sang Domingo.
Sang nagligad nga semana may isa ka personnel ang drrmo nga nag Covid positive rason nga nag contact tracing kag ginpatigayon ang swab test.
Sini nga Lunes ang nabilin nga mga team ilakip na mga office personnel sang DRRMO ang ginpaidalom man sa swab test. 26 tanan ang ginswab subong nga adlaw kag ginapaabot nga Martes maga gwa ang ila nga resulta.
Ang Bureau of Fire Protection sa karon ang naga bulig sa pag responde sa mga emergency cases sa Sipalay.
Sa announcment sang Bago CDRRMO naka lockdown ang ila talatapan matapos may duha ka personnel sini ang nag Covid positive.
Ang lockdown tubtob Hunyo 16 para sa decontamination.
Sa Talisay City naman, ginmando ni Mayor Neil Lizares ang temporaryo nga pagsira sang City Mayor’s Office kag talatapan sang mga executive assistant para sa disinfection kag contact tracing.
Suno kay Dr Joy Guanzon ang City Health Officer ginpaidalom na sa swab test ang mga nangin close contact sang Covid positive kag karon sa gab-i ukon bwas ang ila nga resulta.
“May bilin pa kami nga personnel nga daw walo kagapon amo lang anay gin pa cater. But ang amon i-cater mga trauma cases kag emergency cases. But ang medical ginduso lang anay namon sa barangay health station para makatawag sila sa CHO nga amo na anay maka pick-up sa mga patient ta nga ato sa mga barangay,” suno kay Bogtae.