Digicast Negros

1,350 ka mga tents para sa tent cities ginapaabot

Batch by batch ang pag-abot sang mga tents sang Office of the Civil Defense para sa mga itukod nga tent cities.

Kaina sang aga, 390 ka mga tents gikan sa OCD ang nag-abot sa Himamaylan City.

Sa Tree Park sa Himamaylan, iga tukod ang tent city.

Sang Domingo, suno kay OCD – NIR Regional Director, Donato Sermeno, III, 390 man ka tents ang nag-abot sa Pontevedra nga gina tuyo man nga butangan sang tent city.

Ang para sa Vallehermoso ang iga deliver anay sa San Carlos City. 1,350 ka tents ang maga abot kag iga bahin-bahin ini sa mga lugar santo sa kadamuon sang mga evacuees.

Nag request naman sang earth pad ang OCD ukon rubber matting para sa sining nga tents.

Klaro ni Sermeno nga unahon anay gamit ang mga covered areas para sa evacuation antes sa mga tents.

Kabahin na ini sang pag panghanda man enkaso nga maga extend sa 10 kilometers ang lugar nga dapat hawanan kun may pagsaka sa alert level sang bulkan Kanlaon.

“I-divide naton na in proportion kay mas damo kita diri nga evacuees kung sakali. Diri ang kalabanan nga bulk sa Negros Occidental”, suno kay Sermeno.

Exit mobile version
Skip to toolbar