Sa Enero 25 igalunsar ang nahauna nga Palarong Panlungsod sa Bacolod nga paga lakipan sang kapin 1,200 ka mga student athletes sa 13-under kag 17-under category.
May 18 tanan ka sports events nga patigayunon sang Bacolod LGU kaupod ang Department of Education.
Napulo tanan ka mga clusters nga nalakipan sang 61 ka mga barangay sa siudad ang maga-compete.
Ginpahayag ni Secretary to the Mayor Jose Marty Go nga ang ginapaabot nga mangin tuigan nga kompetisyon ang nagatuyo maghanas sa mga student-athletes kag magdiskubre sang mga local talents nga sarang magtiglawas sa Bacolod sa mga national kag international sports competitions.
Nangin pamaagi man ini agud ma-enganyo ang mga out-of-school youth nga magbalik eskwela sa bulig sang Alternative Learning System.