12 ka mga banwa kag siudad sa Negros Occidental ang may 70 percent kag pasaka nga fully vaccinated na sa ila nga target mabakunahan.
Sa report sang Provincial Health Office, as of July 2, nalakip sa 12 ang La Carlota City nga may 88.03 percent sang target mabakunahan ang fully vaccinated na.
Nagasunod ang Pulupandan, Cadiz City, Sagay City, San Enrique, EB Magalona, Candoni, Murcia, Pontevedra, Victorias, Valladolid kag Ilog.
Sa 12, ang banwa sang Murcia kag Ilog ang yara sa alert level 2 tubtob sa Hulyo 15.
Suno kay Dr Jessica Fama, Medical Specialist 3 sang PHO nalakip na diri ang mga nabakunahan sang ginpatigayon ang Provincial Vacination Days.
Sang Hunyo gin patuman ang walo ka adlaw nga Provincial Vaccination Days sa tinutuyo nga mabuligan ang mga banwa kag siudad nga yara pa sa Alert Level 2, de-escalate sa alert level 1.
Gintutukan man ang pag pabukan sa mga senior citizen.
Sa July 2 nga report sang PHO, 13 ang mga banwa kag siudad ang may masobra sa 70 percent sang senior citizen ang nabakunahan.