Gindeklarar na nga drug cleared ukon hilway na sa iligal nga droga ang 12 ka mga barangay sa nag kalain lain nga banwa kag siudad sa Negros Occidental.
Ini matapos sang maid-id nga pag usisa sang Regional Oversight Committee on Dangerous Drugs.
Ang mga barangay nga nagdugang sa drug cleared barangays amo ang Barangay Pantao sa Calatrava, Barangay Basak sa Cauayan, Barangay Damgo sa EB Magalona, Barangay Camba-og sa Hinigaran, Barangay I Poblacion sa Hinoba-an, Barangay Buenavista sa Himamaylan City, Barangay Banog-banog sa Isabela, Barangay Andulauan sa Ilog, Barangay Puey sa Sagay City, Barangay Kapitan Ramon sa Silay City, Barangay Zone 7 sa Talisay City, kag Barangay 15-A sa Victorias City.
Ang tagsa ka mga tiglawas sang mga barangay ang nag present sa committee agud mapamatud-an nga hilway na sa iligal nga droga ang ila nga mga barangay.
Magluwas sa Negros Occidental may mga barangay man sa isla sang Panay kag Guimaras nga upod nga gin drug clear sa programa nga ginpatigayon sang oversight committee.