Naglapse na ang gintalana nga schedule para sa filing sang petition for disqualification para sa mga nagfile sang certificate of candidacy para sa barangay kag sangguniang kabataan elections.
Gani masako karon ang validation nga ginapatuman sang Comelec-Bacolod sa masobra 2,900 ka mga nagfile sang certificate of candidacy antes pa man mapa-gwa ang listahan sang mga kandidato sa BSKE.
Suno kay Bacolod election officer Atty. Kathrina trinio-Caña, may dose sa mga nagfile sang COC ang wala nila ginbaton. Kadam-an diri mga aplikante para sa SK elections nga over age na.
May duha naman ang nag-withdraw sang kandidatura matapos ang filing sang COC sang nagligad nga semana.
Ginpahayag man ni Caña nga sa masunod nga sinemana magasugod na sila sa pagapatuman sang operation baklas.
Paga-usisaon man nila ang mga social media sites agud mapat-ud ang mga kandidato nga mahimo nagasupak sang pagsulundan angut sa pre-mature campaigning.
Sa Oktubre 19 tubtob 28 ang campaign period.