Patay sa pagpaniro sang wala pa makilal-an nga mga persona ang 12 anyos nga bata nga lalaki pasado las 3 sang kaagahon sang Sabado sa Corner sang Cuadra-Locsin Streets sa siudad sang Bacolod.
Ang biktima ang ginatudlo nga isa sa mga nagkuha sa lima ka tuig nga bata nga babaye sa Talisay City sang July 1 kag kag nakit-an sa La Salle Avenue, Barangay Villamonte sa Bacolod sang July 2 sang kaagahon.
Suno kay Police Station 1 Commander PMajor Elmer Bonilla, igo sang bala sa ulo ang gintuna-an sang kamatayon sang menor de edad.
Sa inisyal nga imbestigasyon sang PNP, ginlabayan lang sang isa ka suspek ang biktima kag gin tiro.
Suno sa PNP naga coordinate na sila sa mga commercial establishments nga malapit sa lugar sang krimen nga may CCTV para malantaw kun ano gid ang natabo kag para makilala ang suspek.
Ang biktima ang taga Barangay Singcang-Airport kag ginapatihan may problema sa paminsaron.