11 sa 31 ka mga banwa kag siudad sa Negros Occidental ang may yara sang na identify nga sanitary landfill site.
Ini suno kay Josephine Maguad ang head sang Provincial Environmental Management Unit (PEMU) sang Environmental Management Bureau 6. Ang pag angkon sang sanitary landfill isa sa mga requirement sa idalom sang Solid Waste Management Act. Nagakasayuran nga ang onse ang may na identify na nga sanitary landfill suno sa iya kag tigayon naman nga nakapasar sa geological kag environmental assessment ini.
Paathag niya indi man ang tagsa sini may yara sang sanitary landfill bangud may yara nga mga mag kaingod nga LGU nga naka lagda sang MOA para sa isa ka sanitary landfill.
“May na-identifya sila nga sanitary landfill. Ang iban sina, although wala sila sanitary landfill, mostly ang 11 nga ina naka pasar na sila sa geological assessment. Out of 11 may ara nga gin cluster nila”, suno kay Maguad.
Isa sa kabudlayan man nga gina atubang suno kay Maguad amo ang pagpangita sang area para sa sanitary landfill. Kun wala sang sanitary landfill ang banwa ukon siudad dapat may yara sang residual containment area ukon alternative technology bahin sa ag dispose sang basura.