Mga residente sang Bago City ang nagabiyahe pa Guimaras kun tani para magtambong sa lubong, Biyernes sang hapon.
Las kwatro sang hapon nagbiya sa Bantayan Park ang duha ka crew kag siyam ka katapo sang pamilya.
Las 5:37 nakabaton sang distress call ang Philippine Coast Guard Substation sa Pulupandan nga nag kulob ang bangka sa baybayon sa tunga-tunga sang isla sang Negros kag Guimaras.
Gilayon nga nagpadala sang tugboat ang Coast Guard ugaling may kabudlayan sa pagpangita sa mga biktima kay naga dulom na.
Las siyete sang gab-i tigayon nga na rescue ang mga biktima. Gilayon nga gindala ang 11 ka mag pamilya sa Bago City Hospital.
Wala man sa ila sang may nasamaran.
Nagbulig ang Philippine Coast Guard kag Bago City DRRMO sa Coast Guard sa pag-rescue.
May mga mangingsida man nga nagbulig sa nagresponde gamit ang ila nga kaugalingon nga bangka.*
[sibwp_form id=1]