Nagdangat na sa 11 ka tapak ang gin-usmod sang duta sa Sitio Bairan, Brgy General Luna sa banwa sang Toboso.
Ini suno kay Engr Hospicio Carbajosa, Jr., ang Municipal Disaster Risk Reduction Management Office sandig sa ila nga monitoring subong nga Martes.
Hwebes sang nagligad nga semana una namutikan ang pag-usmod sang duta nga sadto 9 feet pa lamang ang pag ka usmod. Suno kay Carbajosa, nag-ulan kagab-i sa banwa, nga basi isa man sa rason nga nag-usmod pa gid ang duta.
Pero bwas maga abot na ang tiglawas sang Mines and Geosciences Bureau, Provincial Disaster Risk Reduction Management Office kag Provincial Environment Management Office.
Suno kay Carabajosa gina hulat nila ang pag pangusisa sang mga natungdan nga ahensya para mapat-od kun bala ang natungdan sinkhole gid man.
Wala labot nga circular ang apektado nga area, limestone pag gid ang yara sa palibot gani naga pati si Carbajosa nga sinkhole ini.
Gin cordon na ang lugar para mapalayo man sa peligro ang mga naga labay diri labi na ang mga kabataan na naga agi sa lugar sa ila pag padulong sa ila nga eskwelahan.
“Daw delikado gid siya, swerte lang kay wala to mayo nga pamalay kag wala kaayo residente didto nga area kag halos tanan aware naman sila. Gin cordon to namon, tapos ang mga estudyante gin pa reroute namon sa pihak nga dalan nag agi”, suno kay Carbajosa.*
[sibwp_form id=1]