Sa bulan lamang sang Setyembre, onse na ang na record nga napatay sa banwa sang Toboso may kaangtanan sa Covid-19.
Suno kay Mayor Richard Jaojoco, sa bulan sang Setyembre, 49 ang na record nga dugang nga kaso sang Covid-19, kag onse sa 49 ang nag-expire ukon napatay. Kalabanan sa mga nagtaliwan mga senior citizen. Ang onse ang wala nabakunahan suno sa alkalde.
Wala labot nga mataas ang death rate sa banwa, suno sa alkalde, tuman man ang pagsaka sa Covid-19 cases sini nga bulan sang Setyembre.
As of September 20, 32 ang active cases sang banwa. Sumugod sa Setyembre 27, ipaiway anay sang banwa ang pagpasulod sang bolantero gikan sagwa sang Toboso. Sa mga ginalantaw non-covid deaths, suno kay Jaojoco buligan anay sang banwa ang pagpa swab sang mga napatay sa Red Cross agudto tigayon nga makakuha sang clearance sa haya nga limitahan naman sang tatlo ka adlaw.
Indi na man pagtuugutang ang pagpanahor. Samtang, sa nagligad nga semana, may pagsaka sa kadamuon sang nagpabakuna suno kay Jaojoco, epekto man sang pagsaka sang Covid related deaths.
“Ang akon lang tani, balik gid, very basic, nga mag gamit gid face mask. Gapabalo man kita nga sugod sa Lunes (Sept 27) indi kita anay magbaton ang ginatawag nga international nga bolante para indi kaayo crowded ang aton markets. And hopefully, indi lang naton ikalain, kabalo man gid kita nga medyo sakit nga madulaan kita igsoon o parte sa aton pamilya kabahin sa Covid pero ang aton ginahimo ginasunod lang naton ang protocols, para ma protektahan pa man gid naton ang iban nga miembro sang pamilya,” suno kay Jaojoco.