04 kag mga commercial establishment nga wala business permit ang napasirad-an sa Bacolod halin sang Pebrero
May masobra sa 1,200 ka mga commercial establishment ang na-issuehan sang first notice of violation humalin sang Pebrero sa Bacolod bangud wala sang business permit.
Gani sumugod sang Marso asta Oktubre, naglab-ot sa 104 tanan ang napasirad-an sang katapo sang City Lega Office, 63 diri ang nagapabilin karon nga sirado kag wala na maka-operate.
Ginpahayag ni City Legal Officer Romeo Carlos Ting Jr nga kutob sa indi pa maka-secure sang permit asta sa bulan sang Disyembre ang may yara na sang penalidad kun maga-renew ini sang permit sa Business Permits and Licensing Office sa madasun nga tuig.
Kadam-an sa mga negosyo nga napasirad-an mga restaurant kag mga baligyaan nga asta karon wala naka-proseso para sa nagakaigo nga permit halin sa siudad.