Ginpaidalum sa drug test ang 57 sa 177 ka mga persons deprived of liberty kag 37 ka mga jail officers sang Cadiz City District Jail sa Reclamation Site, Barangay Tinampaan Huwebes nga adlaw.
Ginkuhaan sang Cadiz City Health Office sang urine samples ang mga PDLs kag jail officers agud i-test kun may presensya ini sang ginadumilian nga droga.
Base sa resulta, nag-negatibo sa pag-gamit sang iligal nga droga ang 42 ka mga kalalakin-an nga PDLs kag 15 ka mga kababayenhan nga PDLs, pati na ang personnel sang Bureau of Jail Management and Penology.
Samtang, ang BJMP, upod ang Philippine Drug Enforcement Agency, Philippine National Police kag Bureau of Fire Protection ang nagpatigayon sang search and seizure operation sa sulod sang Cadiz City District Jail.
Sa bulig sang K-9 sniffing dog, gin pang usisa ang mga kagamitan sang mga PDLs.
Suno sa report, wala sang illegal drugs ukon kontrabando nga nakumpiskar sa sulod sang jail facility.