Sumugod Abril 1 ukon Miyerkules Santo tubtob Abril 6, ipaidalom sa blue alert status ang PDRRMC. Nagakasayuran nga naka standby ang mga disaster teams enkaso nga kinahanglan ang deployment.
Suno kay PDRRMO head, Irene Bel Ploteña ang mga areas of convergence ukon ang ginasayuhan kaangay sang mga simbahan kag ruta sa mga prosisyon ang tutukan sa Semana Santa.
Tutukan man ang mga beaches kag resorts labi na pag abot sang Sabado kag Domingo.
Mataas ang heat index sa Semana Santa gani gina abisuhan ang mga maga pakig bahin sa religious activities nga magpabilin hydrated, kun naga paidalom sa medication indi pagkalipatan ang mga bulong nga gina tumar. Magdala sang tubig, kag proteksyon sa init. Mas maayo pa gid kun nakapahuway para mahandaan ang ano man nga religious activity.
Nagapahanumdom man si Ploteña nga magsunod sa gina abiso nga protocol.
Sa mga ginikanan indi pag pabay-an ang mga kabataan. Sa mga mag pamilya ukon grupo nga ululupod magalakat maayo man nga may naplanuhan nga meeting point enkaso nga mag talangay.
“May prepositioned ta nga men, tapos daw ready na sila, in case nga may ara deployment pwede matawag nga i-deploy sila in case may emergency. If you notice lately naga 40 degrees kita. Mas init ang aton ma experience this week”, suno kay Ploteña.*
[sibwp_form id=1]