Ang Department of Agriculture ang naga panugyan sa mga mangunguma nga magpatuman sang mga tikang para mapangapinan ang kasapatan sa gina paabot pagbubo sang ulan dala sang bagyo basyang.
Suno kay Engr Jose Albert Barrogo ang regional director sang Department of Agriculture, Lunes pa sila nagpahanumdom sa mga mangunguma nga mag pangaman sa mabunok nga ulan nga dala sang bagyo Basyang.
Kun may mga dapat nga alanihon, dapat gin-ani na para indi na ma pierde pa sa mahimo halit nga madala sang bagyo labi na nga bwas, Biyernes gina paabot na ang mabunok nga ulan.
Sa may mga kasapatan mas maayo nga ipahamtang sila sa mga naibabaw nga bahin ukon sa animal evacuation center sang banwa ukon siudad kun may yara man lang. Ini para sila ang mapangapinan man.
Ang mga machinery kag equipment suno kay Barrogo dapat nga halungan man, ibutang sa mga lugar nga malayo sa halit sang ulan ukon pag baha.
Sa pihak nga bahin, sa pagbubo sang ulan sang weekend dala sang shearline, mga P6.5 million pesos ang kahalitan nga natuga sang pagbaha sa mga lugar sa norte nga bahin sang probinsya.
“Dapat sang Monday pa nag prepare na kami, especially kun pwede na ma early harvest ang ila mga crops. They have to do it. May ara man nga naghulag na. Ang mga livestock nila kun prone to flooding ang ila nga lugar i-evacuate nila sa animal evacuation center kun may ara ang ila nga LGU”, suno kay Barrogo.*
[sibwp_form id=1]