Napulo ka mga gina alegar katapo sang New People’s Army ang patay sa separado nga engkwentro sa isla sang Negros sang Sabado kag Domingo.
Lima ang patay sa serye sang engkwentro sa Barangay Quintin Remo sa Moises Padilla sang Sabado.
Ini ang resulta sa combat operations sang 62nd Infantry Battalion sa gina alegar kalakasan sang NPA sa lugar.
Duha sa lima ka mga napatay nga rebelde ang nakilala nga sanday Evelyn Marin kag Juliben Ramirez.
Samtang, apat naman ang patay sa engkwentro kahapon sa Barangay Trinidad sa Guihulngan City.
Ini ang resulta sa pursuit operation sang army sa ila mga naka engkwentro sa Moises Padilla.
Magluwas sa apat ka patay, may duha man ka NPA members ang nag sungka.
Isa man ang napatay sa nagluntad nga enkwentro sa Barangay Caliling sa Cauayan sa tunga sang 15th IB kag mga rebelde.
Wala pa makilala ang napatay sa Cauayan kasubong man sa mga napatay sa Guihulngan.
May mga armas man nga na recover ang militar sa separado nga mga enkwentro.