Nagahampang sa suba ang tatlo ka mga mag-abyan apang ang isa sa ila ang nalumos, Sabado sang hapon, Agosto 9.
Nagluntad ang insidente sa Guintubhan River, Barangay 1 sa banwa sang Isabela.
Base sa imbestigasyon sang PNP, nagahampang samtang nagapaligo sa suba ang 10-anyos nga lalaki upod ang duha niya ka mga abyan, nga puro man menor de edad.
Apang nakakadto ang biktima sa madalum nga parte sang suba kag nalumos.
Suno kay Major Joseph Partidas, hepe sang Isabela Police Station, nakapangayo man sang bulig ang duha ka mga kaupdanan sang biktima apang wala na siya matabangan.
Isa ka concerned citizen nga ara malapit sa lugar ang nagdalagan kag nagbulig nga madala ang bata sa higad sang suba.
Gindala sang rescue personnel ang bata sa Ignacio Lacson Arroyo Memorial District Hospital apang gin-deklarar nga dead on arrival.