Patay ang driver sang motorsiklo nga si Phil Mark Francisco matapos mag bunggo sa pickup ang iya motor kagab-i sa Barangay Calumanggan sa syudad sang Bago.
Suno sa PNP, nagadalagan sa sur padulong norte nga bahin sang dalan ang motor sang hinali mag u-turn ang iya gina sundan nga pickup.
Nag bunggo ang motor kag nag swerve pa sa pihak nga dalan gani iya man nga nabungguan ang naga sugata nga motor. Pilason ang nagadala sang motor nga si Charlie Estampa kag angkas sini nga si Raxel Bergante.
Samtang ang nag responde nga ambulansya sa pag bungguanay ang nakabunggo man. Nabunggo ang ambulansya sa truck nga kargado sang tubo.
Suno sa PNP, na alang alang ang driver sang amublansya sang nagadalagan ini padulong sa lugar sang insidente kag nag bunggo ini sa truck nga temporaryo man nga nag untat bangud sang natabo nga aksidente.
Pilason ang driver sang ambulansya pati na ang tatlo sini ka sakay.