Patay ang 24 anyos nga si Jodel Locsin samtang pilason naman ang iya angkas nga si Carlo Dinglasa matapos mabungguan sang payloader truck ang ila motorsiklo kahapon sa highway sa Barangay Rizal sa siyudad sang San Carlos.
Pilason man ang isa pa ka drayber sang motor nga si Renante Canopin nga nadalasa kag nabungguan man sang truck.
Sa imbestigasyon sang PNP, naga padulhog sang amo nga tion ang truck sang nag malfunction ang oil hose mainline sini gani iya nabungguan ang duha ka naga pataklad nga motor.
Detained karon ang driver sang truck sa San Carlos PNP.