Rider patay kag nautdan sang butkon sang makabunggo sa truck sa highway sang Talisay City.
Sa malapit na nga kampo nasapwan sang kapulisan kag mga rescuers ang pilason nga lawas sang 23 anyos nga motorcycle rider nga ginkilala kay Eduert John Higohoy.
Ini matapos maglabog sang makabunggo siya sa nasugata nga prime mover truck sa Bacolod Silay Access Road sakop sang Barangay Efigenio Lizares kaina sang aga.
Nadala pa sa ospital ang biktima nga taga Barangay Villamonte sa Bacolod. Pero gindeklarar siya nga dead on arrival.
Ang iya nga butkon nautod man tuga sang aksidente.
Nag-gwa nga gikan sa Silay nagapadulong ang biktima sa Bacolod sang maglapaw ang iya motorsiklo sa lane sang nasugata niya nga truck.
Resulta nga nakabunggo siya kag naglabog sa ginamaneho nga motorsiklo, Na detain karon ang 57 anyos nga driver sang truck samtang ginahulat ang desisyon sang pamilya sang napatay nga rider angut sa pagpasaka sang kaso