Naglab-ot sa talatapan ni Bacolod City Vice Mayor Claudio Jesus Raymundo Puentevella ang mga opposition letters sang nagkalain-lain nga mga grupo nga nagapamatuk sa plano nga paghaboy sang basura sang Victorias City sa Sanitary Landfill sa Barangay Felisa sa Bacolod City.
Suno sa bise alkalde, natalana nga talakayon sini nga Miyerkules nga adlaw sa regular session sang Sangguniang Panlungsod ang mga opposition letters.
Ginatugyan na ni Puentevella sa Committee on Laws, Ordinances, and Good Government kag Solid Waste Management Board ang pag-review sang Memorandum of Agreement nga ginapadala sang siudad sang Victorias.
Kun matapos na ang pag-review sang MOA, yara na sa SP ang desisyon kon batunon ini ukon indi.
Dugang ni Puentevella, respetuhon sang siudad kon ano man ang mangin desisyon sang mga miyembro sang SP.
Samtang, nagpabutyag man sang suporta si Councilor Thaddy Sayson sa hingyo sang Victorias nga pag-ula sang basura sa landfill sang Bacolod.
Suno sa iya, isa lamang ka truck sang residual waste kada bulan ang i-accommodate sang siudad kag halos wala man ini sang epekto sa Bacolod.
Ginklaro man niya, nga Bacolod lamang ang may sanitary landfill sa bug-os mga probinsya nga naka-comply sa standard sang Department of Environment and Natural Resources.
30 cubic meters sang residual waste ang maximum volume sang basura nga sarang maula sang Victorias sa landfill kon mapirmahan na ang MOA.
[sibwp_form id=1]