Duha ka persona ang ginhold-up sang riding in tandem sang Miyerkules sa Barangay Don Jorge Araneta sa siudad sang Bago.
Sa imbestigasyon sang Bago PNP, naga panukot lang ang ahente sang sigarilyo sa tiyangge sang ginbalabagan sang riding in tandem ang ila sini salakyan.
Samtang nagakapyot sang armas ginkuha sang isa ka suspek ang bag sang ahente nga naga unod sang P40,000.
Ginkuha naman sang isa ka suspek ang isa pa ka bag sa panel van nga nagaunod naman sang malapit P20,000.
Gilayon man nagpalagyo ang mga suspek.
Sang Lunes lang sang gin hold-up man sang riding in tandem ang isa ka ahente kag driver sa banwa sang Cauayan.
Suno sa Bago PNP, manug sulod na abi ang tiempo muerto amo kun ngaa naga luntad naman ang kasubong nga sahi sang krimen.