Shadow

Dilag: Wala sang conflict of interest sa pagbulig sang Joly Homes Foundation sa housing project sa Bacolod

Spokesperson ni Mayor-elect Albee Benitez nanindugan nga wala sang conflict of interest sa ginadihon nga housing project sang incoming administration.

On-site housing project para sa informal settlers nga itukod kun diin man sila nagapuyo nga lugar sa Bacolod ang ginadihon sang incoming Benitez Administration upod sa Joly Homes Foundation.

Suno kay Atty. Lyzander “Bong” Dilag, spokesperson ni Benitez, ang foundation kun diin naga serbe nga chairman si Benitez, amo ang responsable sa profiling sang mangin beneficiaries sang proyekto kag ang pagpahibalo sa mga benepisyaryo kun ano ang matabo kun mag enroll sila sa housing project sang siudad.

Ginpayahag ni Dilag nga wala man sang conflict of interest diri kay wala man sang bayaran ang siudad sa foundation.

Ang foundation ang maga bulig lang sa siudad.

Duha tubtob sa tatlo ka storey building nga housing project ang ginatuyo ipatukod sang Benitez Administration nga condo type.

Ang duta sang siudad sa may Purok Boulevard ang isa sa mga gina lantaw nga una nga patukuran sang housing project. Pero sa karon indi pa mapat-ud kun pila ang mangin benepisyaryo sang proyekto samtang wala pa sang nahatag nga datus ang outgoing administration angut sa kadamuon sang nagapabilin nga informal settlers sa Bacolod.

Secured By miniOrange