May 30 ka mga IT equipment nga dala ang Department of Education sa pag pamuno ni Sec Sonny Angara sa ila nga pag bisita sa probinsya para sa mga eskwelahan nga na-igo sang bagyo Tino.
Suno kay Angara sila ang damlag pa naka pakig-angut sa mga eskwelahan kag ini nga mga kinahanglanon ang ila nga napabutyag sa DepEd, lakip sa igahatag ang starlink kag mga laptop.
Damlag pa nag pa gwa na sang directive si Angara para sa gilayon nga pag-release sang Quick Response Fund matapos ang pag patigayon sang inspection sang iya nga talatapan sa epekto sang bagyo Tino.
Sa Roberto S Benedicto Integrated School sa La Carlota City masobra sa 600 ka mga estudyante ang apektado, ang tanan nga TV kag printer sa 28 ka mga classroom ang naguba sang baha kag lunang lakip na diri ang 50 ka computers sa ila nga ICT room suno kay Angara sa official page sini.
Sa Jose Pepito Montilla Garcia Sr National High School naman sa Moises Padilla na wash out ang 60 ka computers, 40 ka laptops kag equipment sa radio broadcasting, wala labot sa mga naguba nga bentana kag pader.
Sa Don Benito Lopez Elementary School naman sa Isabela, duha kag heritage building ang structurally damaged kag na wipe out sa mud flow.
Sa press conference kaina may napulo ka mga classsrooms sa ila nga report ang totally damaged suno kay Angara.*